O'zbek tilshunosligi tarixi

O'zbek tilshunosligi tarixi kursi talabalarni o'zbek tilshunosligining boy an'analari bilan tanishtirishni, ma'naviy qadriyatlarimizning tarkibiy qismlaridan biri bo'lgan tilshunoslik fani sohasida ajdodlarimiz qo'lga kiritgan yutuqlarni yosh avlodga yetkazishni, ularda vatanparvarlik tuyg'ularini singdirishni, zahmatkash tilshunoslarimizning ko'p qirrali izlanishlari va ularning mahsullari bilan tanishtirishni o'z oldiga maqsad qilib qo'yagan. Shu maqsadda yaratilgan ushbu metodik qo'llanma dars jarayonining amaliy va seminar mashg'ulotlari uchun ayni muddao. Unda mashg'ulotlar jarayonida foydalaniladigan savol-topshiriqlar, testlar(ochiq va yopiq) va slaydlar o'z aksini topgan. Qo'llanma 5220100 - Filologiya (o'zbek filologiyasi) yo'nalishi professor-o'qituvchilarga va talabalarga mo'ljallangan.