O`zbek Tili

Ushbu darslik sifatida taqdim etilayotgan, 5120100 - Filologiya va tillarni o'qitish (Rus tili) ta'lim yo'nalishi talabalarining mashg'ulotlari uchun mo'ljallangan. Mazkur darslik "O'zbek tili fani bo'yicha malaka talablariga muvofiq to'liq ma'lumotni berishga qaratilgan va ta'lim oluvchining mustaqil bilim egallashi uchun o`quv fani bo`yicha yaxlit imkoniyatlar tizimi ishlab chiqilgan. Darslikda keltirilgan mavzular tasdiqlangan fan dasturi asosida to`liq o`z aksini topgan. Undan o`rin olgan nazariy ma'lumotlar, og'zaki nutqni o`stiruvchi matnlar, amaliy mashqlar, savol-topshiriqlar ijodiy tafakkur sohibini yetishtirishga qaratilgan. Shu nuqtai nazardan yondashganda mazkur qo`llanma rus tili va adabiyoti yo`nalishi bo`yicha mutaxassislar tayyorlash bo`g'inida ta'lim sifatini oshirishga e'tibor qaratilgan. Tanlangan mashqlar tizimi talabalarni ijodiy yondashishga, mustaqil fikrlashga undaydi. Zero, amaliy mashg'ulotlarda talabalar "O`zbek tili" fanining o`ziga xos nazariy va amaliy xususiyatlariga doir ilmiy masalalarni amaliy jihatdan o`rganishadi.