Navoiy-Foniyning muxtara' g'azallari poetikasi

"Devoni Foniy"dagi she'rlar mavzu doirasi, g'oyaviy-badiiy qimmati, nafisligi va til boyligi jihatidan "Xazoyinul-maoniy" qatoridan o'rin olishga sazovor. Ikki tildagi she'rlar go'yo bir-biriga egizak, bir-biriga uyg'un, bir-biridan go'zal she'rlardir. Bu, ayniqsa, Foniy-Navoiyning muxtaralarida - ixtiro' g'azallarida yorqin ko'zga tashlanadi. "Devoni Foniy" tarkibida javobiya va yo tatabbu' tarzida aytilgan g'azallar bilan bir qatorda bevosita Alisher Navoiyning o'z kashfiyoti bo'lgan she'rlar ham talaygina uchraydi. Mazkur risolada Navoiy-Foniyning muxtara' g'azallari tahlilga tortilgan. Ushbu tadqiqot adabiyotshunoslar, filolog talabalar, magistrantlar hamda badiiy adabiyotga qiziquvchi barcha muxlislarga mo'ljallangan.