21vi sadi ka superhero - "Tilakyogi" / 21वीं सदी का सुपरहीरो -

mai teji se daud raha hu....... main rukna chahta hu, phir bhi ruk nahin pa raha hu.......meri gati aur tej ho rahi hai....yaha to jangal hi jangal hai..... patto ki kharakharahat mere daudane ke karan mere kano tak pahunch rahi hai......ye to vahi jangal hai, jaha pichhali raat sapne mein meri train ruki thi.....ye kaise sambhav hai, vo to svapn tha,  aur aaj mai daud kar usi sthaan par aa raha hu..... isaka matlab ki us or koi baitha ‘‘om’’ svar ke saath sadhana kar raha hoga.....ha usi or mudakar dekhana hoga.....maine apane teji se bhaagate hue pairo ko us or mod diya.saamane vahi maidaan dikhai deta hai, jahaan samane vishaal bargad ke ped ke neeche ek manav akrti ‘‘om ’’ dhvani ke saath sadhana kar rahi hai.achanak us akrti se nikalata prakash tej hona shuru hota hai. oh ab main itani tej roshani ke karan dekh bhi nahi pa raha hu ,...mai ankhe kyon nahi khol pa raha hu.... achanak se tilak ankhe kholata hai, phir, ghabadaya aur pasine se bhiga hua uthakar baith jaata hai. tilak ab in svapno ke rahasya ko samajh nahin pa raha tha, kintu vo ye samajh chuka tha ki ye sadharan aane vaale svapn nahi hai.  21vi sadi ke software Engineer ‘Tilak’’ ka in svapnon se kya sambandh hai? kya is adhunik yug me vah in sab par vishvas kar pata hai ?  is tarah ke  svapn kai dino tak aane aur unaka ek dusare se sambandh bhi hone ke rahasy ko kya tilak samajh payega.